ކުޑަގިރީގައި އިމާރާތްކުރާ މިސްކިތުގެ މަސައްކަތް ނިމުމަކާއި ހަމަޔަށް

މާލެ ސަރަހައްދުގަިއ ދިރިއުޅޭ މީހުން ޕިކްނިކް ދިޔުމަށް ޚާއްސަކޮށްގެން ސަރުކާރުން ތަރައްޤީކުރަމުން އަންނަ ކ ކުޑަގިރީގައި އަޅާ މިސްކިތުގެ މަސައްކަތުގެ 70 އިންސައްތަ މިހާރު ނިމިފައިވާ ކަމަށް އެމަސައްކަތް ކުރަމުން އަންނަ ކުންފުނި އެމްޓީސީސީން ބުނެފިއެވެ.

ކުޑަގިރިއަކީ ސަރުކާރުގެ 5 ކުންފުންޏެއްގެ ބައިވެރިވުމާއި އެކު ތަރައްޤީކުރަމުން އަންނަ ރަށެކެވެ.

މިމިސްކިތަކީ، މޯލްޑިވިސް ނެޝަނަލް ކޮންސްޓްރަކްޝަން އިންޑަސްޓްރީޒް (މަސީ)އިން އިމާރާތްކޮށްދޭ މިސްކިތެކެވެ. މިމިސްކިތުގައި އަންހެނުންނާއި ފިރިހެނުންނަށް ނަމާދުކުރެވޭނެ އިންތިޒާމް ހަމަޖައްސާފައި ހުންނާނެއެވެ. އަދި ވުޟޫކުރުމަށް އިސްކުރު ބަރިއަކާއި ފާޚާނާއެއް ހުންނާނެއެވެ.

ސަރުކާރުން އަމާޒު ހިފާފައި ވަނީ މިއަހަރުގެ ޖުލައި 26ގައި ކުޑަގިރިއަށް އާއްމުންނަށް ދަތުރު ދެވޭ ގޮތަށް ހުޅުވާލުމަށެވެ. އެހެންވެ އެރަށުގައި ކުރަންޖެހޭ މަސައްކަތްތަށް ހަލުވި ކަމާއި އެކު ނިންމުމަށް ކުންފުނިތަކުން ދަނީ މަސައްކަތްކުރަމުންނެވެ.