ކުޅުދުއްފުށި އެއަރޕޯޓްގައި އެންމެ ޒަމާނީ ވަސީލަތްތަކާއިއެކު ޕެސެންޖަރ ޓަރމިނަލް އެޅުމަށް ތައްޔާރުވެއްޖެ

ކުޅުދުއްފުށި އެއަރޕޯޓްގައި އެންމެ ޒަމާނީ ވަސީލަތްތަކާއިއެކު ތަރައްޤީކުރެވޭ ޕެސެންޖަރ ޓަރމިނަލް އެޅުމުގެ މަސައްކަތް ފެށުމަށް ތައްޔާރުވެއްޖެއެވެ.

ރީޖަނަލް އެއާޕޯޓްސް ކޮމްޕެނީ (އާރުއޭސީއެލް) އިން މިއަދު ބުނީ ކުޅުދުއްފުށީ އެއާޕޯޓުގެ ޕެސެންޖަރ ޓާމިނަލްގެ މަސައްކަތް ކުރުމަށް ހަވާލުކުރެވޭ ފަރާތެއް ހޮވުމުގެ ބީލަމުގެ މަރުހަލާ ނިމި، މަސައްކަތް ފެށުމަށް މިހާރު ތައްޔާރުވެފައިވާ ކަމަށެވެ.

އާރުއޭސީއެލުންއިން ބުނިގިތުގައި މި ޓާމިނަލް ނިމިގެންދާ އިރު ޓަރމިނަލެއްގައި ޕެސެންޖަރުންނަށް ހިދުމަތްދިނުމަށްޓަކައި ހުންނަންޖެހޭ އެންމެ ޒަމާނީ ހިދުމަތްތައް ފުރިހަމަވެފައި ހުންނާއެވެ. މިޓަރމިނަލްގެ މަސައްކަތް ނިމުމުން އެއްވަގުތެއްގައި އެއްފަހަރާ އޭ ޓީ އާރު 72 ސައިޒްގެ ދެ ފްލައިޓް އެއްވެސް ދަތިކަމެއް ނެތި ހޭންޑަލްކުރެވޭ ވަރުގެ ވަރުގެ ކެޕޭސިޓީ ހުންނާނެ ކަމަށްވެސް އާރުއޭސީއެލުން ބުންޏެވެ.

މި މަޝްރޫއުގެ ދަށުން 11،345 އަކަފޫޓުގެ ޕެސެންޖަރ ޓަރމިނަލަކާއި އެސަރަހައްދުގައި ޝޭޑިންއެއް ލުމަށާއި މިހާރު ބޭނުންކުރަމުންދާ ޕެސެންޖަރ ޓަރމިނަލުގެ ސްޓްރަކްޗާއަށް ގެންނަންޖެހޭ ބަދަލުތައް ގެނައުން ހިމެނެއެވެ. ޓަރމިނަލްގައި ވަކިން ޑިޕާޗާ އަދި އެރައިވަލް ހޯލް ހަދާއިރު، ކާގޯ ރަށްކާކޮށް ބެހެއްޓޭނެ ވަސީލަތްތައް ވެސް ގާއިމު ކުރާނެއެވެ.

އެއާޕޯޓު ސަރަހައްދުގައި ޕާކިން އޭރިއާއަކާއި ޕެސެންޖަރުންނަށް ދެވޭ ހިދުމަތްތައް ފުޅާކުރުމަށް ބޭނުންވާ އެހެނިހެން ތަންތަންވެސް މި މަޝަރޫއުގެ ދަށުން ގާއިމުކުރާނެ ކަމަށް އާރުއޭސީއެލުން ބުންޏެވެ.

މީގެ އިތުރުން ޓާމިނަލް ނިމިގެންދާ އިރު، ޕެސެންޖަރުން ފުރުވަން އަދި ބަލައިދާ ފަރާތްތަކަށް ފަސޭހަކަމާ އެކު ތިބެވޭނެ ވަސީލަތްތައް ގާއިމުކުރުމުގެ އިތުރުން ޓާމިނަލް ބޭރުގައި ކެފޭއެއްގެ ހިދުމަތްވެސް ލިބިގެންދާނެ ކަމަށް އާރުއޭސީއެލުން ބުންޏެވެ.