ޚަބަރު
އަތޮޅުތެރެއިން ދެ ރަށެއްގައި އިތުރު ކްލާސްރޫމްތަކެއް އަޅައި ކިޔަވައިދެނީ!
26 ޖެނުއަރީ 2022 - 9:36
ހދ. އަތޮޅު ތައުލީމީ މަރުކަޒުގައި އިމާރާތް ކުރި 12 ކްލާސްރޫމްގެ މަސައްކަތް ނިމި ކިޔަވައިދޭން ފަށާފައިވާ ކަމަށް އެޑިޔުކޭޝަން މިނިސްޓްރީން ބުނެފިއެވެ.
ހދ. އަތޮޅުގެ ތައުލީމީ މަރުކަޒު ހުންނަނީ ވެރިކަން ކުރާ ރަށް ކުޅުދުއްފުށީގައެވެ.އެޑިޔުކޭޝަން މިނިސްޓްރީން ބުނީ މި މިއާއެކު ހދ. އަތޮޅު ތަޢުލީމީ މަރުކަޒު ވެގެންދާނީ އެއްދަންފަޅިއަށް ކިޔަވައިދޭ ސްކޫލަކަށް ކަމަށެވެ.
މީގެ އިތުރުން ތ. ކަނޑޫދޫގައި އިމާރާތްކުރި 3 ކްލާސްރޫމްގެ މަސައްކަތްވެސް ނިމި ބޭނުންކުރަން ފަށާފައިވާ ކަމަށް އެޑިޔުކޭޝަން މިނިސްޓްރީން ވަނީ ބުނެފައެވެ.މި އާއި އެކު ކަނޑޫދޫ ސްކޫލްވެސް އެއް ދަންފަޅިއަށް ބަދަލުވެގެން ދާނެ ކަމަށް މިނިސްޓްރީން ވަނީ ބުނެފައެވެ.
މި ސަރުކާރުގެ އަމާޒަކީ ރާއްޖޭގެ ސްކޫލްތައް އެއް ދަންފަޅިއަށް ބަދަލުކޮށް ވަށާޖެހޭ ތައުލީމެއް ދިނުން ކަމަށް ސަރުކާރުން ވަނީ ބުނެފައެވެ. ނަމަވެސް ސްކޫލްތަކުގެ ޖާގައިގެ ދަތިކަމާއި ހުރެ އަދި ރާއްޖޭގެ ހުރިހާ ސްކޫލެއް އެއް ދަންފަޅިއަށް ވަނީ ބަދަލުނުކުރެވިއެވެ.