މާލެއާއި އެއަރޕޯޓާ ދެމެދު ބަހުގެ ޙިދުމަތް ފަށައިފި

މާލެ އާއި އެއާޕޯޓާއި ދެމެދު ބަހުގެ ހިދުމަތް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އަލުން ފަށައިފި އެވެ.
މާލެއާއި އެއަރޕޯޓާއި ދެމެދު ބަހުގެ ޚިދުމަތް އަލުން ފަށާފައި މިވަނީ ކޯވިޑް-19އާއި ގުޅިގެން ރައްކާތެރިކަމަށްޓަކާ ބަހުގެ ޚިދުމަތް ވަގުތީ ގޮތުން މެދުކަނޑާލުމަށްފަހުއެވެ. ގްރޭޓަރ މާލޭ ޓްރާންސްޕޯޓް ލިންކުން މައުލޫމާތުދެއްވާ ގޮތުގައި އަލުން ޚިދުމަތް ފަށާއިރު ބައެއް ޚިދުމަތަކަށް ބަދަލުތައް ވަނީ ގެނެސްފައެވެ. އެގޮތުން މާލެއިން އެއަރޕޯޓަށް ދިޔުމަށް މީހުން ނަގަމުންދާނީ ކާނިވާ ސަރަޙައްދުގައި ހުންނަ ބަސް ސްޓޮޕްއިންކަމަށް ޖީއެމްޓީއެލްއިން މަޢުލޫމާތުދެއެވެ.
ދަތުރުތައް ޝެޑިއުލްކޮށްފައިވާ ގޮތަށް ބަލާއިރު ކޮންމެ އެއްގަޑިއިރަކުން ދަތުރުތައް ބާއްވަމުންދާނެކަމަށް ޖީއެމްޓީއެލްއިން ވިދާޅުވެއެވެ. އަދި ކުރިއަށް އޮތްތަނުގައި ޑިމާންޑު އިތުރުވަމުންދާކަމުގައިވާނަމަ ދަތުރުތައް އިތުރުކުރާނެކަމަށްވެސް އެފަރާތުން ވިދާޅުވެއެވެ. ޖީއެމްޓީއެލްއިން މާލެއިން އެއަރޕޯޓަށް ކުރާދަތުރަކަށް ނަގަނީ 10 ރުފިޔާއެވެ.
ދަތުރުކުރާ ފަރާތްތަކުންވެސް ކޯވިޑް19 އިން ރައްކާތެރިވުމަށް އަޅާފައިވާ ފިޔަވަޅުތަކަށް އަމަލުކުރުމަށް އެ ކުންފުނިން ވަނީ އިލްތިމާސްކޮށްފައެވެ. އެގޮތުން މާސްކު އެޅުމާއި، ވީހާވެސް ބޮޑަށް ގައިދުރުކަން އިސްކުރުން ހިމެނެއެވެ.