ޚަބަރު

އެޗްޕީއޭގެ ދަތުރުކުރުމުގެ މިންގަނޑުތައް ފުރިހަމަކޮށް ވީ އެންމެ އަވަހަށް ރަށަށް ދިއުމަށް އެޑިއުކޭޝަން މިނިސްޓްރީން އެދިއްޖެ

11 ޖެނުއަރީ 2022 - 9:32

މި ވަގުތު ޗުއްޓީއަށް އަމިއްލަ ރަށުގައި ތިބި ދަރިވަރުންނާއި ޓީޗަރުން ހެލްތް ޕްރޮޓެކްޝަން އެޖެންސީ (އެޗްޕީއޭ) ގެ  ދަތުރުކުރުމުގެ މިންގަނޑުތައް ފުރިހަމަކޮށް ވީ އެންމެ އަވަހަށް ރަށަށް ދިއުމަށް އެޑިއުކޭޝަން މިނިސްޓްރީން އެދިއްޖެ އެވެ.

 ސްކޫލްތަކުގެ ދެވަނަ ޓާމުގެ ކިޔެވުން ފެށުމާއި ގުޅޭ ގޮތުން 11 ޖެނުއަރީގައި އެޑިއުކޭޝަން މިނިސްޓްރީން ނެރެނު ބަޔާނުގައި ބުނެފައިވަނީ ދެ ވަނަ ޓާމުގެ ކިޔެވުން އަންނަ އާދިއްތަ ދުވަހު ފަށާއިރު ހުރިހާ ދަރިވަރުންނާއި ޓީޗަރުން ސްކޫލަށް ހާޒިރުވުމަކީ ވަރަށް ބޮޑު އެދުމެއް ކަމަށެވެ. ސްކޫލްތަކުގެ ކިޔެވުން މެދުނުކެނޑި ކުރިއަށް ގެންދިއުމަކީ މިނިސްޓްރީން އަބަދުވެސް އިސްކަންދޭ ކަމެއް ކަމަށް ބަޔާނުގައި ވަނީ ބުނެފައެވެ.

ސްކޫލްތަކުގެ ދެ ވަނަ ޓާމުގެ ކިޔެވުން އަންނަ އާދިއްތަ ދުވަހު ފެށޭނެއެވެ.

އެޑިޔުކޭޝަން މިނިސްޓްރީން ސްކޫލްތަކުގެ ކިޔެވުން ފެށުމާއި ގުޅޭ ގޮތުން ބަޔާނެއް ނެރެފައިވަނީ ކޮވިޑްގެ ކޭސްތައް އިތުރުވެ، ސްކޫލްތަކުގެ ކިޔެވުން ކުރިއަށް ގެންދަން މިނިސްޓްރީން ރާވަމުން އަންނަ ގޮތާއި ގުޅޭ ގޮތުން ސުވާލު އުފައްދަމުން އަންނަނި ކޮށެވެ.

ރާއްޖޭގައި އަނެއްކާވެސް ކޮވިޑްގެ ކޭސްތައް އިތުރުވަމުން އަންނާތީ މާލޭން ރަށްރަށަށް ފުރާއިރު 72 ގަނޑިއިރުނުވާ ޕީސީއާރް ނެގެޓިވް ޓެސްޓް ހިފައިގެން ދަތުރުކުރުމަށް އެޗްޕީއޭއިން ވަނީ އަންގާފައެވެ.